لحظــــــــــــــــــــــــــــــــــــــــــــــــــــــــــــــــــــة

كادت أن تفلت الكلمات من لجامها الحديدي
كاد الإعصار أن يبدأ..ويقتلع أمامه كل أشجار الخجل
كادت الدنيا كلها..أن تولد من جديد
كل هذا في لحظة واحدة..لحظة لاتوصف..تشابكت فيها كل الأشياء
اندمجت ..ذابت ..لتصنع على حين غرة هذا القرار المصيري
سنون تحلم..سنون تحاول..ولحظة واحدة تقودها لنتيجة لا يمكن أبدا توقعها
لن يثنيها عن ذلك أي شئ الآن
حتى أنوثتها نفسها لن تقوى أن تمنعها

لن تتلعثم أمام عينيه ثانية
ولن تتقهقر الآف العصور بعد أول كلمة من شفتيه
فقط ..ستخبره ..وترحل
هذه الشهادة لن تحلم بعدها بشئ آخر
حتى أنفاسه الدافئة لن تحلم بها بعد الآن
لا ورود ستنتظرها..ولا ذكريات ستحلم بتكوينها

ماذا تريد له ..سوى ..ألف ألف خير؟
وماذا تريد منه..سوى
سلام قصير
نظرة من فوق سفينته التي لن ترسو على مينائها الصغير
صدى ضحكاته
شئ ولو قليل
بل
أقل القليل

آه...
متى ستغتال هذه اللحظة الأبدية؟!
متى؟

 https://www.facebook.com/notjustagirlpage?fref=ts

في أوقات بتبقى حاسس فيها إنك عايز تعيد فيها تقييمك لكل حاجة في حياتك ..وأولها إنت !
بتبقى محتاج تعيد تقييم علاقاتك ..مشاعرك ..أفكارك ..أهدافك في الحياة
طب تفتكر وإنت بتعيد تقييمك في حاجة من دول لقيت إنك غلط مية في المية دلوقتي
أو بمعنى تاني إنك مش راضي عن الوضع اللي إنت فيه حاليا وشايف إنه من الحاجات اللي لازم تتغير جذريا في حياتك علشان تقدر تكمل صح هتعمل إيه؟
بتبقى صعبة إنك تنسف حمامك القديم ..وتبدأ تبني من أول وجديد وبفكر تاني خالص
يمكن ..لا وأظن ده بنسبة كبيرة يببقى الموضوع ده مهم وجدير بالتنفيذ ومفيد إلى أبعد الحدود
بس في حالة إن تبقى الفكرة دي في موضوع إرتباط البنت
حقيقي ...بتبقى مشكلة كبيرة .....
الحقيقة إن صعب في مجتمعنا على البنت والولد إنهم ينهوا الخطوبه علشان إنت مش حابب تكمل ..وشايف إنك مش هتقدر تكمل مع الشخص ده ..
مشكلة البنت في موضوع فسخ الخطبة ده إنها بتبقى محتاجة قايمة فيها الأسباب التي لا تحتمل التي إضطرتها لفسخ الخطبة

علشان تبقى مستند رسمي لأي حد هيجي يتقدملها بعد كده إنها إنسانه والله العظيم كويسة وإن خطوبتها السابقة متفسختش علشان هي بنت فيها عيوب كتير والا أهلها فيهم عيوب
مش فاهمة يعني
هو مش الخطوبة دي فترة تعارف ؟
يعني البنت والولد بيتعرفوا على بعض وعلى طباعهم وعلى أفكارهم وفترة إن الأهل يتعرفوا على بعض ويبقى في علاقات بينهم ؟
طب فيها إيه بقى لما خلال الفترة دي البنت والولد يلاقوا إنهم ببساطة مش متفاهمين فيقروا يفسخوا الخطوبة من غير مايكون في واحد منهم شرير يعني والا بوشين والا والا ؟؟؟؟؟؟؟
كانت مخطوبة ومحصلش نصيب
إية لازمة التحقيق والأسباب كانت إيه ؟ ولية ووإزاي ؟وياسلام بقى لو البنت فسخت خطوبتها مرتين والا يمكن تلاته !!!!!!...كارثة يمعنى الكلمة !
والبنت بتبقى عارفة كده كويس
وبتبقى عارفة إنها في كل مرة هتفسخ فيه خطوبتها كل ما إحتمالية إن حد يتقدملها هتقل أكتر ..علشان كل مره بتتحسب عليها الخطوبة ..بيتحسب عليها المدة اللي إرتبطت فيها ..وبيزيد إحتمال إن المشاكل اللي سببت في الفسخ تبقى من عندها وحاجاة تانية كتير
أنا شايفة أن اي إنسان لما بيدخل في تجربة بيتعلم منها وبيستفيد ..يعني محدش يقدر ينكر إنه في أول إرتباط ليه ممكن يكون غلط في تصرفات كتير علشان مكنشإتعرض لها قبل كده ويمكن لو دخلت في علاقة تانيه هتتعامل فيها بنضح أكبر وبعقلية متفتحة وواعية أكتر ..وبكدة فنسبة إنها تنجح بتبقى أعلى
وشايفة كمان إنك لو مدخلتش مرحلة الجواز وأنت مقتنع بشريك حياتك ده ومقتنع إنه هو الإنسان اللي هتقدر تكمل معاه دنيتك وآخرتك يبقى إنت بتكسب يدوب جولة الخطوبة علشان تخسر معركة الحياة..ونرجع بعد الجواز ونقول
ياريت اللي جرا ماكان ..
وطبعا الإنفصال قبل الجواز حااااااااجة وبعد الجواز حاااااااااااااااجة تانية خاااااااااااااااااالص حتى لو كان مجرد كتب كتاب
موضوع كتب الكتاب ده بقى مشكلة لوحده
خلونا نتناقش فيها المرة الجاية

حياتك هي ببساطة مجموعة من القرارات ..
سواء كان القرار ده انت اللي قررته سواء حد قررهولك وانت وافقت وإقتنعت أو حتى مقتنعتش بس قررت تسكت ..
القرار صعب علشان هو اول خطوه في المسئولية
يوم مابتقرر بتبقى عارف إنك هتتحمل مسئولية القرار ده والمسؤليه في حد ذاتها ..مخيفة ...
مخيفة لأننا مش متعودين عليها لأن المسؤلية معناها تحمل النتيجة من غير ما يبقى عندك مبرر ترمي عليه لو حصل حاجة وحشه بعد كده ..لا هينفع تقول ”غصب عني“ ولا ”هو انا كان ”بإيدي إيه !

البنت لما بتقع في فخ ”القرار“ في موضوع الجواز بتبقى في مشكله حقيقية !
أصعب من مشكلة التنسيق بعد الثانوية العامه واللي أكيد مامرتش من غير ماالاب والأم والأهل والأقارب يحطوا التاتش بتاعهم فيها
بتيجي عند العريس وهوب تلاقي نفسها في مأذق !
وعلى إفتراض الخطوات العادية وهي إن بابا يسأل عليه ويطلع مناسب وماما بتقول صلي إستخاره  وأخواتك كل واحد يقول رأيه وتقعدي إنتي لوحدك بقى وتفكري في القرار العظيم !اللي الجمهور 
.مستنية على أحر من الجمر  وميمنعش كل شويه نطمن عليكي ونسألك ها نقول مبروك؟..لسه؟ مش شكلة فكري على أقل من مهلك ياحبيبتي إحنا هيهمنا إيه غير راحتك وإننا "نفرح بيكي "!

وبما إن القرار يا أه يا لأ فأيا كان هو إيه فالبنت بتبقى حاسة بالقلق والخوف بعد أي قرار منهم 
لو قالت ”لأ“
بيبقى عندها إحساس بالذنب وهاجس إنها يمكن بتكون بتضيع أحسن فرصة هتجيلها بيخليها قلقانة ومتردده
ولو قالت ”أيوة“
هاجس إنه ممكن ميكونش الشخص اللي بتحلم بيه وإنها بتحط نفسها في تجربة متعرفش نتيجتها وإنه لو فعلا مكنتش الشخص المناسب وفسخت الخطوبة بعد كده هتتحسب عليها خطوبة وما أدراكوا من موضوع تتحسب عليها خطوبة دي
أقولكو ؟
خلونا نكمل كلامنا عليها المرة الجاية

المجتمع بيأثر على الإنسان بشكل هو نفسه مبيتخيلوش

الأفكار ..خبرات الآخرين ..المواضيع المثاره
كل حاجة مهما كانت بسيطه ....بتأثر فيك ..وفأفكارك ..وقرارتك وأكيد في مصيرك ....
البنت اللي بيتقدملها عريس
 اكيد مش بس بتفكر في الانسان وهل هو مناسب ليها والا لأ وهل هتقدر تنجح معاه بتوافق أفكارهم واهدافهم ونظرتهم للحياه  وبس..
اكيد كمان المجتمع بيفكرلها
يعني بتفكر في هل هو فرصه معقوله علشان تلحق تتشعبط في سفينه نوح وتنقذ نفسها من ظلمات "العنوسه "حتى لو عندها عشرين سنه !
وانها متعرفش هيجيلها احسن منه والا لا وان تفكير الورقه والقلم بيقول انها تلحق العصفور اللي في اليد
وانها حتى لو استنت وفكرت ودققت واختارت مهو معروف ان كله محصل بعضه وان الانسان اللي هترتبط بيه مهما كان كويس
 وفالراجل قبل الجواز حماده وبعد الجواز حماده تاني خالص :D
"وان في حوليا بنات كتير محترمين وكويسين ويمكن احلى مني ولسه ماتخطبوش ! مع انهم كبار ويمكن بدأو يدخلو "مرحله الخطر"
يبقى احسن حل اني اضمن دبله في إيدي وبعدين بقى ربنا يسهل !!!
اكيد ..اكيد يعني ان الافكار دي بشكل كبير بيبقى صوت المجتمع جوا البنت يمكن هي مابتحسش بكده ويمكن مابتاخدش بالها انها واقعه تحت تأثير نفسي رهيب ممكن يأثر على انها تقرر بشكل صح
"وللأسف  الناس بتفكر ان مادام البنت قررت "بمنتهى الحريه وفي ظروف ديموقراطيه بعيدا عن اي تأثير خارجي او عوامل ضغط
فلازم تتحمل قرارها ده مهما كانت عواقبه
بالنسبه لعواقبه بقى فده موضوع كبير
هنكمل كلمنا فيه المره الجايه :)

حبر سري +1

كل حاجه في الدنيا دي نصيب

امنت بيها الجمله دي دلوقت 

ياااااه الحمد لله

الحمد لله اني قادره اقول الحمد لله ..الحمد لله انه ربنا موجود اصلا علشان نعرف نقوله الحمد لله

الحمد لله على السراء والضراء واللي حصل واللي هيحصل واللي عمره ماهيحصل حتى

الحمد لله

الدنيا دي غريبة قوي

اكتر مخلوق عندي

يعني انا كنت بستغرب لما اشوف طفل صغيربابي وعندي !

يابني انت عارف حاجه والا فاهم اي حاجه علشان العناد اللي فيك ده ؟!

بس ده ييجي ايه جنب عناد الدنيا بقى معاناه ؟

ههه

ولا حاجه

ساعات ببقى نعايزه اقولها

اعمليه اللي تعمليه

مبقاش فارق معايا حاجه

شقلبي نفسك والا امشي عالحبل والا حتى خليني امشي عمري من ورا لقدام

والله مافارقه

عارفه ليه ؟

علشان كل اللي بتعمليه ده في الاخر نصيب

وعلشان مهما عملت ومهما انتي عملتي ومهما عاندنا وشدينا قصاد بعض في الاخر انتي بتظهري اسباب وانا بظهر اسباب علشان النصيب يحصل وربنا مسبب الاسباب

يعني لاشطاره منك ولا نصاحه مني

اهدي بقى

وجئت أنت !

http://www.youtube.com/watch?v=2eClRtIv2gs&feature=related 

في القلب شئ

 لا اسميه الحنين

لا ليس حبا

انه

.

.

لا لا شئ ابدا

...

مالي بحبك؟

لم اكن مجنون ليلى

ولا اريد

اني بحبك لم اكن

 رجلا سعيد

...

ياهذة

لا ترسلي تلك الآلئ كل ليله

لا توقظي القلب الحزين

...

صرخه في القلب تدوي

كل ليله

انت ياحواء لي

انت.. بي

.

.

حواء...

ارجوك ارجعي

حواء

ارجوك اغمريني

..

في صحوه كالنوم حالمه

جئت انت!

.

.

لا شئ اربكني

سوى عيناك

لا شئ اذهلني

سوي..

 نبض غريب يسري

 حين رؤياك

...

ياهذه

كوني الحياة جميعها

كوني رياحا ناعمه

 كنسيم ليل العاشقين

كوني ندى بعض الورود

كوني عبير الياسمين..

حواء ياحلم الحياة

إني أحبك..فارجعي 

حبر سري 18

عمرك خفت تمسك ورقه وقلم وتتكلم عن نفسك ؟

طب فكرت فيها أصلا؟

طب لو فكرت.. ياترى

فكرت تكتب عنها والا ليها والا فكرت تعمل فيها استاذ وتقعد بقى  تنصحها وتوجها وكأنها مش إنت خالص؟

على فكره في رأيي ودي وجهة نظري يعني J

ان دي الحاجة اللي بتخلينا بني أدمين

إن يبقى في علاقه ..مساحه ..بينك وبين .... ك

انت حد مهم جدا بالنسبه لك ..اهم مما اي حد ممكن يتخيل

انت ده مستقبلك وحياتك ونظرتك وتوجهاتك وعلاقاتك ومشاعرك

انت مهم وكبير وعظيم وساعات كتير بيتنسي L

انا بحب اتكلم مع نفسي وبحاول افهمها واقدر اللي بتحس بيه حتى لو مش موافقه عليه

ممكن ساعات اضايق منها جدا وساعات بعاقيها لما بتغلط وبزعل منها

بس عمري ماخصمتها ل مع ا

علشان هي ملهاش غيري ..اه في اللي بيوجها واللي بيحس بيها بس انا اكتر واحده عرفاها من جوا قووووووووووي

كل زكر حلوه وحشه قاسيه ناعمه كل تفصيله بيني وبينها بس مش ممكن حد هيفهما قدي

انت كمان كده

انت ممكن يبقى ليك اصحاب كتير ..ممكن تتكلم مع ناس كتير تعرفهم يعرفوك تخاصم ناس تقرب لناس

بس نفسك ..ربنا خلاها ماتعرفش انسان غيرك ولا ممكن تتعامل مع انسان غيرك فياريت متنساهااش وتسيبها محبوسه جواك كده لا بتتكلم ولا بتصرخ ولا بتشتكي ولا حتى بتقول انا راضيه

تفتكر انت لو قعدت معاه هتكون المواجهه بينكو ازاي !