في حاجات بنبقى متأكدين انها بعيدة عننا جدا
بينا وبينها زي السما والأرض
ويمكن أبعد
وفجأة
تبص حواليك تلاقيها في كل حته
محاوطاك
واقع فيها
ازاي؟
امتى؟
معقول!
انا !
.......................................................
بطل بقى تبص لنفسك ملاك
رسول
نبي!
كل اللي حواليك بيغلطوا
بيكدبوا وبينافقوا و...و....
وأنت ؟
ملاك؟
مابتغلطش؟
يمكن..مش هقولك لا ..يمكن فعلا تكون مابتغلطش زيهم
ولا غلطه واحدة
عمرك عمرك مافكرت حتى تعمل غلطه واحدة من اللي حوليك بيعملوها كل يوم كأنها عادة يومية
بس بص لنفسك في المراية
بص لعيونك وركز قوي
واسأل اللي جواك
.
.
.
تفتكر
انت مبتغلطش زيهم علشان مجتش ليك فرصة انك تغلط؟
تفتكر لو في نفس ظروفهم مش هتعمل زيهم او اكتر؟
واهم من ده كله
تقدر تضمن ان غلطة واحدة ممكن تعملها من غير ماتخطط لكده متبقاش اكبر من كل غلطاتهم اليومية المعتادة كلها وافظع!
No comments:
Post a Comment