الدنيا تلاهي
عمري مافكرت في الكلمة دي قد الفتره اللي فاتت
وعمري ماحسيتها قد ماانا حساها دلوقت
لما فجأة لقيت حوليا ميه
وبصيت لقيتني بعييييييييييد بعيد قوي عن الشط
لدرجة اني حتى مش شايفاه
بس حسيت بكل الحاجات اللي سبتها عالشط كأنها بتناديني وأنا مش سمعاها
تعااالي ..ارجعي ..انتي رايحه فين؟
إيه ده؟
قد كده أنا بعدت ؟
إمتى ؟
وإزاي مخدتش بالي؟
قد كده كنت ملهيه في حياتي
.
..
.
الدنيا دي زي البحر.
الماية بتاعته بتسحبك واحدة واحدة ومن غييييييير ماتحس
وفجأة تلاقي نفسك ملكش طول فيها
وفجأة تلاقي نفسك لوحدك
وهي متشطرة عليك
ومحاوطاك من كل حته
.....
يااااااااااااااااه
قد إيه إحنا ولا حاجة
ورقة في مهب الريح
فرحانين بنفسنا قوي وفاكرين ياما رحنا ياما جينا
وفي الاخر إيه
.
.
.
.
ولا حاجة
No comments:
Post a Comment