عارف أغبى حاجة ممكن تقتنع بيها ايه ؟
ان الدنيا ثابته
طبعا هتقولي ماهو معرف ان الدنيا مش ثابته
حاجة بديهيه جدا
طب تعالى نفكر فيها كده مع بعض واحده واحده
.
.
انت شاطر في شغلك؟
اه جدا طوووووووول عمري
طب الحمد لله ..تفتكر ممكن ييجي يوم وتتفرد فيه بسبب أهمالك؟
..لاااااااااااا طبعاااااااااا
انتي بتحبي جوزك؟
بحبه؟ انا بموووووووووت فيه ..تعرفي احنا بقالنا كتييييير جدا متجوزين وكل يوم بحبه اكتر من اليوم اللي قبليه
ربنا يديمها عليكوا..طب تقولي ايه لو في يوم من الايام اصريتي على الطلاق بسبب إنك مش قادره تتخيلي انك تقدري تكملي حياتك معاه وكلمة بتكرهيه كلمه اقل من انها توصف مشاعرك بالنسباله وخلي بالك الكره مش بسبب زعل او غيره لا فعلا بتكرهيه ؟
انتي مجنوننننننننننننننه انا عمري ما اعمل كده
انت بتجيب تقدير عالي في دراستك؟
لا والله بنجح يدوب
ليه بس كده؟..على فكره انت ممكن تجيب تقدير عالي بسهوله ..انت ذكي ولو اهتميت وحطيت الموضوع في دماغك احتمال ترتب كمان
اه انا عارف انه تقصير مني واكيييييييييييييد لو اجتهدت اكتر هتفرق معايا
انتي وزنك زياده عن الطبيعي شويه ؟صح والا انا بيتهيألي؟
زايد شويه ؟ لاااااااااااااااا دا زايد كتيييييييييييييييييييير
بس انتي اموره بردو على فكره :) انتي ممكن تخسي؟
اه طبعااااااااا بس العب رياضه واتابع عند كتر كويس وان شاء الله هخس
بصوا بقى
من غير كلام كتير
انا اكتشفت حاجه يمكن تكون صح ويمكن تكون غلط مش عارفه
اكتشفت اننا بنبقى متأكدين ان الدنيا ثايته طول مااحنا ناجحين
وبنبقى مقتنعين ان النجاح ده شيئ مسلم بيه
لكن لو كنا فاشلين في حاجه بنبقى مقتنعين بردوا ميه الميه اننا نقدر نغير
بس مكسلين بقى ..مأجلين ..اي حاجه
هو إيه الفرق بين الثقة في النفس والإهمال ؟
No comments:
Post a Comment