في برنامج اسمه بهدوووووووء
قد ايه اسمه حلو قوووووي
تفتكرو حياتنا ممكن تبقى عامله ازاي لو خدنا كل حاجة فيها وكل مشكله وكل موقف صعب وكل إنفعال بهدوء؟
مقدرش أحدد هتبقى احسن والا اوحش
بس اللي متاكده منه إنها هتبقى مختلفه وليها طعم تاني يستحق نخاطر علشان نكتشفه!
انا عارفه انا عايزة من الدنيا ايه
وعارفه هي محتاجة مني ايه
بس اللي حقيقي مش عارفاه
هو انا بتعامل مع دنيتي ازاي؟
وهل الطريقةاللي بتعامل بيها مناسبة ؟
وهل لازم تختلف من فتره لفتره ولا هي ثابته ؟
هحاول افكر في الحاجات دي بصوت عالي معاكوا
في حاجة اسمها مسلمات
يعني بدايات تؤدي حتميا إلى نتائج
اظن إن تعاملنا مع الدنيا يجب إنه يحترم المسلمات
مش قصدي خاااااااااااالص اننا منحاولش نفكر او نبتكر او او
لا لا
ولا حتى اننا اي حاجه نشوفها بتتعمل نعتبرها امر مسلم بيه ومانحاولش نفكر اذا كانت في الحقيقة صح والا غلط
لا بردو
انا قصدي سنن ربنا في الكون
اللي من ساعة ماتولد لحد ماهينتهي هتبقى موجودة فيه
منها
حاجة بسيطة جدا
بس مش عارفة ليه معقداني L
ودايما بقع فيها
بس انا ان شاء الله قررت اني مش هقع فيها تاني
الحكاية دي
ان اهم شئ في أي عمل هو خواتيمه
دي سنه كونيه
اذا لما تهتم بأن تجعل نهاية عملك جيدة فلا عمل لك
بديهية ومنطقية وعادلة
عادلة جدا على فكرة
ماهو لو انت تعبان طول مدة عملك وجيت في الاخر واهملت ده معناه ايه ؟
تعبك في الاول معناه انك عايز تنجح في الشء ده ومحتاجه
سيبته في الاخر؟
خلاص مش محتاجه!
خلاص متاخدوش
المشكلة اننا عارفين اغلب السنن دي
والمفاجأة الحقيقية إننا بنستغرب وبنتفاجي لما تحصل لنا حاجة وحشة نتيجة اننا ماتبعناش سنه كونية معينه
هو الإنسان بيتغابي والا بيتناسى والا ايه؟
