متعمليش نفسك غبية ومتلفيش وتدوري حولين نفسك
إنتي اللي حطيتي نفسك في الموقف ده
وإنتي اللي هتخرجي نفسك منه
..........
مشكلتي إني فاهمة نفسي كويس وعارفة كل حاجة عنها
معشراها بقالي كتير بقى J
بس مش موضوع معشراها ..انا عارفة عن نفسي حاجات كتييييييير لأني بكلمها كتييييييييييير وبسألها كتييييييييييير وكمان بربيها لما بتغلط وبكافئها لما بتعمل حاجة حلوة
العلاقة بيني وبين نفسي علاقة مختلفة
وأنا فخورة بحاجة زي كده
يعني مثلا أعرف عنها إنها
لما تحب تعمل حاجة ..تقوم تتظاهر إنها بتعمل حاجة تانيه خاااااااااالص
يعني لو قررت مثلا إني أهتم بمظهري وبدأت انزل اشتري لبس و ..و ...و
لاااااااااازم في الفترة اللي بنزل أشتري فيها دي ..لما اروح أي مكان أكون مش لابسه أحسن حاجة عندي
لييييييييييييييييييييييييه معرش
المهم
حضرتها بدأت من فترة كده تحاول تشتغلني
يعني بتعمل تمويه عليا
بتتظاهر قدامي بحاجات وهي قصدها حاجات تانية خالص
وأنا عارفة وساكته
وأقول بكرة تعقل
بس كان واضح إن بكرة ده مش هييجي
وأني لازم أخدها من أديها و أوديها لبكرة
المشكلة الحقيقية بقى
إني مش قادرة أعمل كده
:(
طب والحل ؟
ReplyDeleteالحل ... هو الاجمل ... هو الاصح
ReplyDeleteان الواحد ميكابرش
و يسيب روحه تروح مكان ما تحب
دى الحاجة الوحيدة اللى احنا بنوهبها لنفسنا
النفس البشرية دي معقدة أوي
ReplyDeleteمعقدة لدرجة إن مستحيل إنسان يقدر يفهم نفسه 100%
كل يوم بنعرف حاجة جديدة عننا
عارفة اللي انتي وصفتيه بيفكرني بإيه ؟؟
بيفكرني بواحد بيلعب دور شطرنج مع نفسه
فعلياً انتي عارفة كل حركة هتتلعب قبل ما تتلعب
وعارفة الرد وعارفة الرد على الرد
ومع ذلك الأبيض بيكسب أو الاسود
في الحالة دي بنضطر نعمل نفسنا مش واخدين بالنا
لما تكون نفسنا موديانا على حاجة
لو عرفناها مش هنوافق
بس حاجة جوانا عايزاها
خلاص هعمل نفسي مش واخد بالي واجرب
:)
@sarah
ReplyDeleteلو كنت أعرف ما أريد!
..............
@Dahaka
وجهة نظر تحترم جداااااااا ياعمرو
..............
@Tarek
عندك حق يا طارق أنا فعلا كنت بعمل كدة بالضبط
"علق أكتر لو سمحت :)"
:)