عمرك ما وقفت في نص الطريق وقلت
هو في إيه!
ايوه ايوه خارج من بيتك عارف إنت رايح فين وهتروح إزاي ورايح ليه
بس مرة واحدة حسيت إن في مليون حاجة في مليون حاجة
وحوليك خيوط عنكبوت كتييييييييييير
جت منين
وإزاي أنا سمحت بيها
واتصرف إزاي ؟
ومرة واحدة تلاقي نفسك بتسأل
هو في إيه؟!
.
.
حسيت الأيام دي إني مضطرة أبقى كبيرة
كنت حاسة إني الفترة اللي فاتت مستخبيه تحت تربيزة السفرة من الدنيا
وعاملة نفسي لسه صغنونه
علشان الدنيا تنساني ومتعاملنيش زي الناس الكبار
بس خدت بالها مني خلاص
وطلعتني من تحت التربيزه وهي بتشدني من ودني وبتقولي
بقى بتهربي مني ؟
طيب
استحملي بقى
ومن ساعتها وهي حطاني في دماغها
...........
كدة والاكدة كان هييجي اليوم ده هييجي
أكيد في يوم من الأيام لازم نكبر
الكبار مش بس بيتوجوا ويستحملوا
الكبار ساعات بيختاروا إنهم يتوجعوا
لو كان ده أهون من حاجات تانية
والكبار بس هما اللي بيقدروا يشوفوا الحاجات التانية دي
..........
دلوقتي مش زعلانه إني كبرت ولا حتى فرحانه
أي نعم في الأول كنت بصرخ واتنطط وأقول مليش دعوة اشمعنى أنا
بس دلوقتي هديت وبدأت أشوف الدنيا أوضح
والحقايق أصفى
ههههههههه
بقيت أشوفها زي ماالناس الكبيرة بتشوفها
إحساسي؟!
الله هو وحدة أعلم
أنا نفسي مش بس مش فاهمه أي حاجة
لا وكمان مش حاسة بأي حاجة
أو مش عارفة أنا حاسة بإيه
أو يمكن حتى مش عايزة اعرف
...............
الله كبير
اجلاً ام عاجلاً
ReplyDeleteالسلمة الجديدة بنطلع عليها
ده دايما الافضل
بس زى ما قلتى و انا مقتنع جدا بده
الكبار بيختاروا احيانا الوجع و التعب مقابل ان الدنيا تبقى بين ايديهم ... ميبقوش بين ايديها
دى قمة القوة
و احساسهم بيتقلب شوية فى الاول زى اللى اخد خبطة على راسه
فوقته ... بس دوخته شوية
مينفعش وقتها يفكر فى حاجة غير انه يركز على الطبع الجديد اللى بيتطبع بيه
و المشاكل عمرها ما كان فيها خساير ... الا لو انا اقنعت نفسى بكده
:)
ربنا ييسر دايما الخير و يقدرنا على ايماننا بأن كل حاجة اولا و اخيرا و ليس اخرا
راجعة لقدرته و ارادته