ساعات بنبقى محتاجين حاجات فاكرين إنها عندنا
وفي لحظات معينة بنكتشف إن الرصيد اللي عندنا من الحاجات دي يساوي صفر
أقلكوا على حاجة ؟
عارفين؟
لما حقيقي بنتعب
تعب مانقدرش نوصفه ولا نحكي عنه
ساعتها بنعرف إننا محتاجين حاجة أقوى من إنها تتلمس علشان تعالج خدش في حاجة أنقى من إنها تتشاف
حاجة متقدرش تطل على الدنيا دي من غير حارس يحميها من إن أي حاجة تلمسها ....زي بلور الإزاز
.
.
.
نفسي يبقى عندي إيمان يقيني ب إن الأمر كله لله
مش بس كلام
ولا بس إقتناع
لا يبقى تسليم وتوكل كامل
أبقى مؤمنة إن ربنا هيختار لي الأحسن
يمكن مش فاهمه
يمكن مش عايزة
بس نفسي حقيقي دايما أكون راضيه
لأن مهما مهما كان
في الآخر ربنا مخلقناش في الدنيا دي علشان يعذبنا
فمنبقاش إحنا بقى متخلفين ونعذب نفسنا بإننا نعترض على أقدارنا
صحيح أنا ممكن أكون من أكتر الناس اللي مقتنعه بإن الإنسان يقدر يعمل أي حاجة هو عايزها
بـــــــــــــــــــــس
لو ربنا قدر له إنه يعملها
ودي المشكله
إمتى تقدر تحدد إن عند هنا وتقف لإن الإرادة الإلهيه مش سمحالك بأكتر من كده
إمتى؟!!!!!!!!!!!!!!!!!!!!!!!!!
الواحد مبيحددش يا شيماء
ReplyDeleteالواحد مننا طول ما هو عايش بيقابل مواقف و فرص و ظروف
اتحطت ادامه بشكل منطقى او غير منطقى
بس فى الاول و فى الاخر ما دام حصلت
يبقى ده اللى كان رايده ربنا انه يتم
انا مش هاشوف حاجة مكانش متقدرلى انى اشوفها
زى ما ابقى فى الامتحان و مركز جدا و ماخدش بالى من نقطة معينة
اخرج و انا براجع الاقى سؤال ماخدتش بالى منه اصلا
و انا عارفه و لو كنت شوفته كان هيفيدنى جدا
بس مشوفتوش
انا محددتش ... بس اكيد ده الافضل
مشكلة الواحد فينا لما بيكابر
و يلاقى السؤال و ميرضاش يحله ... ايا كانت الاسباب
لما يلاقى فرصة و ميغتنمهاش
ده ربنا يسرها ادامه
و يسرله كمان انه ياخد باله منها
و يحسها ... بس معاشهاش
هنا الواحد حدد ... لكن ...... !
لو احنا فى اوقات كتير بنبقى اضعف و اقل بكتير
من اننا نفهم حكمة ربنا من حاجة معينة
موقف شوفناه و مادينالهوش اهتمام
فرصة جتلنا و قلنا خيرها فى غيرها من غير ما نسعى وراها
حب حسينا بيه و بسبب كبريائنا و مكابرة نفسنا خسرناه
ربنا حكمته من كل اللى حصل ده اكبر بكتير من اننا نفهمها بعقلنا البشرى
لكن مهما كان
ده اللى ربنا حطه ادامنا . يبقى ده الخير . يبقى نحاول نستغله و منسيبهوش
بسم الله الرحمن الرحيم
"إنا كل شىءٍ خلقناه بِقدر"
صدق الله العظيم
مش عارفة أقولك إيه يا عمرو
ReplyDeleteعندك حق في كل كلمة
قولى اى حاجة
ReplyDeleteبس متقوليش شكرا