كل يوم في حياتنا بيجي ومعاه حاجه جديده
ممكن منشوفهاش
ولاحتى نحس بيها
بس بتيجي
.
.
بحب قوي وأنا خارجه الصبح أبص للسما وأقول النهارده أحلى
حتى لو عارفه إنه مش هيكون
مش مهم
لو النهارده مكنش أحلى
هيبقى بردوا أول خطوه ليوم تاني أكيد هيكون أحلى
J
.
.
لو حصلت لك مشكله
أي مشكله
ممكن أطلب منك طلب؟
ممكن تغمض عنيك
وتفتكر أقرب وأصعب موقف مريت بيه؟
وممكن لو سمحت بردوا تفتكر أقرب وأحلى لحظه بعد الموقف الصعب ده مريت بيها؟
طب سيبك من كل ده
ممكن تفتكر آيه واحده بس
بسم الله الرحمن الرحيم
"الله لطيف بعباده"
صدق الله العظيم
فكر شويه كده في الآيه دي
عارف يعني إيه ربنا لطيف بينا؟
يعني هو مش هيوقعك في مشكله غير لما هيختارلك الوقت اللي عارف إنك هتقدر تستحمل المشكله دي فيه وتقف قدامها
يعني مهما كانت المشكله صعبه في آخرها هيجازيك بحاجه حلوه قوي
يعني مهما الدنيا بقت ضلمه في وشك
هو هيسهلهالك وهينور لك طريقك ولو ضاقت بيك قوووووووووووي وحاولت على قد ماحولت وبردوا مش عارفه تخرج منها
بردوا هيبقى معاك
J
بسم الله الرحمن الرحيم
"ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه إن الله بالغ أمره"
صدق الله العظيم
انتي عارفه يا شيماء الايه الاولى بتريحني اوي وفعلا كلامك ريحني اوي في الجزء الاول ....الايه التانيه اللي هي ومن يتقي الله ....احيانا بتسال علشان الايه دي تنطبق عليا يا ترى ايه مستوى التدين اللي المفروض اوصله ؟؟ودا بيقلقني ...فاهماقصدي ؟
ReplyDeleteفاهماكي يا سارة :(
ReplyDeleteاقولك ؟
نحاول
.
.
.
يمكن