لسه حاسه إن بكرة أحلى
وإن أحلى أيام حياتي لسه هتيجي
مش عارفة ده غباء والا تشبث بالأمل لحد آخر لحظه
يمكن لو كنت فقدت الأمل من زمان كنت هستريح من زمان بردوا
ويمكن كانت حياتي كلها اتغيرت
اتغيرت ازاي ...معرفش
لأني مش أنا اللي كنت هغيرها ساعتها
بالنسبة لي التغيير ده هيبقى "مجهول"
وحقيقي بردوا
كان ممكن يكون المجهول ده حلو
وكان ممكن يكون حلو قوي كمان
بس الفكرة
إن حتى لو المجهول كان حلو ومها كان حلو
هيفضل فيه حاجة وحشة ومرة
إنك مش إنت اللي إخترته
ونفس الحكاية
إن حتى لو اللي إنت عايش فيه ومختارة مر
هيفضل فيه حاجة حلوة
وهي
إنك إنت اللي إختارته
ممكن بقى يكون الفرق في "عملية النسبية "ودي بيعلب فيها القدر
يعنى ممكن تكون حلاوة المجهول نسبتها أحلى من مرارة عدم تحديد المصير
والعكس
امممممممم
اظن بردوا إن الموضوع مش داخل فيه القدر قوي
يعني النسبية دي شخصية كل واحد فينا اللي بتحددها
ممكن أنا اعتبر إن مرارة الحاضر مهما كانت كبيرة فهي أصغر بكتير من مرارة عدم إختيار المصير
وممكن حد تاني يكون رأيه مختلف
.
.
.
بقولكوا إيه
متيجي نسمع الأغنية دي
انا من رايى اننا مننشغلش اوى بفكره
ReplyDeleteالمجهول او المستقبل
وخلينا فى الحاضر الى احنا عايشينه
علشان ممكن كتر تفكيرنا فى المستقبل يضيع منا
حاجات كان ممكن نستمتع بيها فى حاضرنا
ولو فى حاضرنا حاجه وحشه ممكن نحاول نغيرها ونحسنها مش نفكر فى الى جى هايكون اصعب من ده ولا ده الاصعب منه
نفكر فى المستقبل اه بس مش يسيطر علينا
لدرجه اننا نخاف منه لانها حاجه مكتوبه ومقدره عليا
فكده كده هاشوفها سواء كانت حلوه او وحشه