الانسان ده غريب قوي
واغرب مافيه
المشاعر
لغز لو قعدنا عمرنا كله نحاول نفهمه او نحللله مش هنعرف
لانه معقد في بساطتة
بسيط في تعقيده
وده اقصى ماقدرت اتوصل ليه
يعني مثلا
جملة واحدة ممكن تخليك تحس بمليون إحساس
والمليون إحساس دول ممكن يكونوا مش منسجمين مع بعض
لا دول ممكن يكونوا ضد بعض أصلا
والغريب
إن إحساسك بالمشاعر المتناقضده دي بيكون إحساس حقيقي
طب إزاي؟
مش عارفة
انا من الناس اللي مبتؤمنش بالمشاعر الواضحة
بحس إنها أكبر كدبة بنكدبها وبنكرررها وبنصدقها
مثلا
لو حد قالي إنه بيحب حد
وحد تاني قالي إنه بيكره حد
وتالت قالي إنه مش ععارف إحساسه ايه بالضبط
اللي انا بحس إنه أكثر صدقا فيهم
هو اللي شاكك في مشاعرة
عارفين ليه؟
لأني دايما بحس إن الشك هو أصدق شعور عند اإنسان
لأن هو الإحساس اللي بيتخلى الإنسان فيه عن الشعور بالقوة والرياده وإنه المتحكم في كل شئ
الشك
بيعرفك إنك لسة إنسان
ولسه في حاجات معرفتهاش
وإنك موصولتش للكمال
ولمنتهى المعرفة
الشك
هو اللي بيخليك تعترف بآدميتك
يوم مافرعون طلب من هامان بيني له صرح
"لعلة يبلغ الأسباب"
الغبي ماكانش عارف
إنه بالجملة دي بيعترف إنه ليس ربا ولا يمكن أن يكون
ببساطة لأنه شك
ومعنى إنه شك
إذا هو لم يصل لمنتهى العلم
وبما إنه لم يصل لمنتهى العلم
فهو آدمي
وبماإنه آدمي إذن فهو مخلوق
خلاص الموضوع خلص
مش لازم بقى يطلع يعمل له صرح فعلا ويطلع ويتأكد من كون في ربنا فعلا والا لا
..........
وعلشان أنا عارفة إن ممكن حد دماغه تروح لبعيد
فأنا هاجي معاكوا للبعيد ده
هو ممكن الشك ده يوصل لمعتقداتنا؟
.
.
.
اه ممكن يوصل لمعتقدتنا
أمال معنى إن ناس تغير دينها إيه؟
إن الشك وصل لصلب المعتقدات
بس متنسوش حاجة مهمه قوي
إن بما إن الشك بيوصلنا لنقطة إننا لا يمكن أن نصل لمنتهى المعرفة
فده بيدينا إيمان بإن هناك حقيقة كاملة إحنا مش قادرين نوصل ليها
يعني إيه؟
يعني بما إن في شعور معين
خلاك تحس إنك مش قادر توصل لنهاية حاجة
إذن الحاجه دي فعلا ليها نهايه
ولو طبقنا الفكرة دي على المعرفة نفسها
إذن بما إن الشك خلاك تحس إنك مش قادر تصل لمنتهى المعرفة
إذن هناك منتهى للمعرفة فعلا
ودة صلب الإيمان
هناك منتهى للمعرفة لا يصل إليه سوى من صنع المعرفة نفسها
هو الذى ألهمنا بنعمة الشك
كي نصل منه لنعمة الإيمان
..............
تفتكروا
هل
الشك والإيمان
وجهان
لعملة واحدة؟!
مش عارف
ReplyDeleteحاسس انك كنتى بتتكلمى فى نقطه وبعدين خرجتى لحاجه تانيه !
بس الاكيد فى كلامك فعلا موضوع عدم الوصول للحقيقه الكامله
ودا تقريبا سبب الحياه
افتكر لو كل واحد افتكر نفسو خلاص كدا اكتفى من العلم يبقى غلطان
بس حاسس انك الشك مع الدين دا حاجه تحير
لانو مينفعش اشك فى حاجات معينه واللى هيا صلب الدين
مينفعش نحاول نفكر عن وجود الله
دايما كانو كل المفكرين بيصلو لنقطة معينه ومش عارف محدش بيكمل
لدرجه ان اى حد دلوقتى مش بيحاول يفكر او يحير نفسو
فى كتاب كويس لدكتور مصطفى محمود بيتكلم فى موضوع الشك والايمان
وفيه فصول كتيرة ممتعه
اسف على الاطاله واسف على تداخل الرد مع بعضو
...........................................
دائما مبدعه
هقولك على حاجه
ReplyDeleteممكن بالنسبه لي وبالنسبه ليك وبالنسبه لناس كتير
مينفعش نشك في صلب الدين
بس افرض حصل لناس تانيه
ساعتها الاحسن اننا نساعدهم على تخطي المرحلة دي
وده اللي كتب مصطفى محمود بتساعد علييه
احترامي لرأيك
:)