ساعات الواحد بيبقى صعب عليه إنه يعترف إنه في لحظة من اللحظات كان مبسوط من حاجة معينة
يمكن يكون مكسوف من الإعتراف بحاجة زي كده؟
مكسوف من نفسه !
يعني مثلا
لو واحدة متجوزه حست إنها كانت مبسوطه علشان واحد عاكسها
ممكن ساعتها يبقى صعب عليها قوي إنها تعترف إنها كانت مبسوطه وهي بتتعاكس
علشان دي حاجة هتتعب ضميرها
هتحسسها إنها إنسانة مش كويسة
مش محترمه!
بس ياترى الأحسن
إنها ماتعترفش لنفسها إنها إتبسطت
إنها تنسى الإحساس ده أصلا
أو تتناساه؟
ولا إنها تعترف إنها فعلا إتبسطت بس تبقى بينها وبين نفسها عارفة إن الإحساس ده غلط
وإن في حاجة غلط كانت سبب للإحساس ده
أكيد الإختيار الأول أسهل
يعني
زي بالضبط لما يبقى عندك حاجة مش مترتبه
قدامك ياإما تقعد بقى ترتب وتعدل وتبوظ وتعدل تاني
ياإما تغطيها وتكمل حاياتك
نفس المثال ده
لو عممناه
هنلاقي إن ساعات مشاعرنا بنخاف نعترف بيها
وبنكتفي بإننا نغطيها
علشان نكمل حياتنا
ونفضل نغطي ..نغطي
أي إحساس غلط نحسه
نقول لا لا انا عمري ماافكر كده
ونعيش نفسنا على فكرة إننا ملايكه
مع إن الأحاسيس دي موجوده فعليا
وبتزيد
وتزيد
وتزيد
.
.
.
بس تفتكروا
لو عشنا بالمنطق ده
وبالأسلوب ده
مش ساعتها بردوا
هنموت
وإحنا ظاهريا ملايكة
بس من جوانا.......................................؟!!!!!!!!!!!!!!!!!!!!!!!!
كلامك تمام جدا جدا
ReplyDeleteبس بصراحه انا مش فاهم انتى عاوزة توصلى لايه
معلش قدرتى على الاستيعاب بقت 00000 :D
ممكن توضيح شويتين تلاته كمان
طب تمام جدا جدا على اساس ايه؟
ReplyDelete:D
اولا شكرا لمشاركتك جدا
ثانيا
انا هقولك على حاجه
الصراحه انا مش عايزه اوصل لحاجه معينه
يعني مش عايزة اقول في الاخر
ماذا تعلمت من الدرس ؟:)
بس ممكن اوضح لك الفكره اكتر
انا قصدي ان الانسان عنده اختيارين
يا اما يقرر يتناسى اي شعور خاطئ او رغبة خاطئة بيحس بيها
ويعمل نفسه مش واخد باه انه عايزها
او انه يقرر انه يواجه احساسه ده ويبدأ يفكر انا ليه بفكر بالاسلوب ده وازاي اتعامل مع الاحساس ده واقومه
يارب اكون قدرت اوضح اكتر
أحسن حاجة عجباني في " حبر سري " إنك مبتكتبيش دروس مستفادة .. وإنما بتعبري عن معنى تقصديه بانسيابية تعطي للقارئ الفرصة في التفكير والتدبر
ReplyDeleteالفرصة إنه يسأل نفسه بصدق نفس الأسئلة اللي سألتيها لنفسك
عشان كده مش هجاوب على السؤال
:)
هزود حاجة صغيرة بس
العقل البشري يلجأ في أحيان كثيرة للالتفاف لمجرد إننا نهرب من مواجهة شئ خايفين نواجهه
ألعاب نفسية بمعنى تاني ..
بس هقتبس جزء من كلام نهى في آخر مرة :
يا ترى مين متحكم في مين ؟؟
العقل بيحكمنا ؟؟ ولا احنا نقدر نتحكم فيه ؟؟
واحنا مين ؟؟ إرادة ؟؟ ولا روح ؟؟ ولا مجرد جسد ؟
اقصد تمام
ReplyDeleteعلى الترتيب ولغه الكلام
وطبعا بشكرك على الايضاح
وهفكر وهحاول اجاوب
ومنتظر المزيد من كتاباتك