فاكر اليوم اللي كنت رايح فيه للمكان الفلاني بس حصلت حاجة صغيرة راحت مخلياك إتأخرت عن الميعاد فقلت خلاص أروح المكان التاني مادام الأول خلاص مش هلحق أروحه وبعدين وإنت رايح حصل مش عارفه إيه خلاك تعمل حاجة مكنتش ناوي تعملها أصلا ومرة واحده حصلت حاجة عمرك مكنت متوقعها
زي ما تكون كل الحاجات دي مترتبة وبترتيب دقيق جداااااااا علشان في الآخر يحصل الموقف ده
وساعتها بتبقى متأكد إنك لو كنت قعدت مية سنة ترتب علشان الموقف ده يحصل عمرك ماكنت هترتبة بالشكل ده
ونرجع نقول
رب صدفة خير من ألف ميعاد
أو رب صدفة أسوء من ألف مكيدة
بس تعرفوا أنا بتحصل لي المواقف دي كتير جدا
ودايما بقول
الحمد لله لأني ببقى حاسة إن ربنا قاصد يعلمني ...
بيقولي فتحي عيونك
فتحيها على آخرها
افهمي
الدنيا مش اللي انتي بتشوفيه بعنيكي
في حاجات كتير عيونك مش قادرة تشوفها
ومش هتشوفها
بحس دايما من وأنا صغيرة
إن رنبا دايما بيقولي إنه معايا وجنبي
دايما ببقى عارفه في أصعب المواقف اللي بعيشها إني مش لوحدي
بجد مش مجرد كلام
ولا تأثر بكلام شيخ أو كلمتين قريتهم في كتاب ولا أي حاجه من دي خالص
لا لا أنا بتكلم بجد
وإحساسي ده حقيقي
ساعات ببقى عارفه إن هيحصل كذا دلوقتي
رغم إنها مستحيل يحصل
ومرة واحدة تحصل
مش توقع ولا شطارة ولاحتى حاسة سادسه
بس الفكرة إني ببقى حاسة إن خلاص مش هينفع المشكله دي تتحل غير لو الحاجه اللي عمرها ماتحصل دي حصلت
خلاص يبقى اكيد ربنا هيخليها تحصل
وبتحصل
وقياسا علية
المفاجآت
حتى المفاجآت الوحشة
بضحك من قلبي لما بتحصل
لأن ببساطة بتبقى زي لما حد يشدك من دراعك..زي مايكون هيخلعه ومن غير ماتعملة حاجة
وأول مالسه هتبص له
تلاقي إنه لو ماكنش شدك الشدة دي
كنت خلاص فاضل لك خطوة وتقع من حافة جبل عااااااااااااليه ..عاليه قوي
علشان كده
وإحنا بنقول الحمد لله
لازم نكون بنقولها من قلبنا
الحمد لله في الضراء
قبل السراء
الحمد لله
الذي لا يحمد على مكروة سواه
المعنى ده بحسه كتير .. حتى لو بشكل مختلف
ReplyDeleteمفيش حاجة في حياتنا بتحصل بشكل عبثي أبداً
وأي حاجة مهما كانت صغيرة .. ليها قيمة وتأثير كبير
حتى لو محسيناش التأثير ده ساعتها
هييجي اليوم اللي نتأكد فيه من ده
باختصار :
" وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعلَمُون "
ملقيتش like هنا .. عشان كده like
:)